За пристигнувањата преку граничните премини Евзони и Какавиа од Албанија карантинот е 14, наместо седум дена, а до 19 април продолжена е забраната за влез во Грција на државјани на трети земји
Агенцијата за цивилно воздухопловство на Грција ги продолжи авионските упатства до 19 април, според кои за сите пристигнувања во земјата, задолжителен e негативен ПЦР-тест направен до 72 часа пред патувањето, како и седумдневен карантин, со исклучок на државјаните на Израел кои имаат сертификат за вакцинација, јави МИА од Атина.
Авиоупатствата се однесуваат на сите пристигнувања од странство, вклучително и од земјите членки на ЕУ, а продолжена е и забраната за влез во Грција на државјани на трети земји.
Државјаните на Израел што ги примиле двете дози од вакцината 14 дена пред патувањето и имаат сертификат на англиски јазик се ослободени од седумдневниот карантин.
За сите пристигнувања во Грција е задолжителна и потврда за негативен ПЦР-тест, на одредени категории ќе им се прават и брзи тестови при влезот на грчка територија, а ќе бидат тестирани сите оние кои пристигнуваат од Обединетите Арапски Емирати и од Велика Британија.
По пристигнувањето од Велика Британија, освен седумдневниот карантин, задолжителен е и нов ПЦР-тест за завршување на седумдневниот карантин.
Согласно упатствата што се во сила од денеска, за руските државјани летовите се само кон Солун, Атина и Ираклио на Крит, а дозволено е пристигнување на најмногу 4 000 лица седмично.
За пристигнувањата преку копнените граници, односно преку граничните премини Евзони и Какавиа од Албанија карантинот е 14, наместо седум дена, а до 19 април продолжена е забраната за влез во Грција на државјани на трети земји.