За шест пати е зголемен бројот на жртви на трговија со луѓе. Извештајот на Стејт департментот покажува дека во 2021 година идентификувани се 48 жртви, додека во 2020 нивниот број бил седум. Од тие 48 лица, четириесет биле изложени на принудна работа, две лица биле принудувани на сексуални услуги, две за сексуални услуги и за принудна работа. Четири од откриените случаи, пак, биле жртви на принудна работа преку брак од изнуда. Од нив, 36 биле жени
Северна Македонија да одвои повеќе ресурси за полицијата и истражителите за поефикасно детектирање и спречување на трговијата со луѓе, препорачува Стејт департментот во извештајот за 2021 година.
Земјава е рангирана на второто ниво и е во друштво на Албанија, Хрватска, Грција, Унгарија, Италија. За споредба, во погорното, прво ниво се наоѓаат Соединетите Американски Држави, Франција, Канада, Финска…
Во извештајот се вели дека и полицијата и Јавното обвинителство за гонење на организиран криминал и корупција немаат доволно ресурси.
„Намален е бројот на обвиненија против трговци со луѓе, додека полицијата и натаму се соочува со недостиг од финансии и опрема за да спроведе проактивни истраги“,
се вели во извештајо и се додава дека потребни се повеќе финансии за формирање полициски тимови.
САД препорачува спроведување на построги истраги за осомничените трговци на луѓе, но и да не се изземаат официјални лица за кои има сомнежи за соучество.
Стејт департментот, меѓу другото, препорачува и повеќе средства за помош на жртвите од трговија со луѓе, обуки на специјализирани тимови од социјални работници, поефикасни законски легислативи, обезбедување центри за заштита, како и правна помош за жртвите.
За шест пати е зголемен бројот на жртви на трговија со луѓе. Извештајот на Стејт департментот покажува дека во 2021 година идентификувани се 48 жртви, додека во 2020 нивниот број бил седум. Од тие 48 лица, четириесет биле изложени на принудна работа, две лица биле принудувани на сексуални услуги, две за сексуални услуги и за принудна работа. Четири од откриените случаи, пак, биле жртви на принудна работа преку брак од изнуда. Од нив, 36 биле жени.
Во извештајот се наведуваат и случаи од ромската заедница. Притоа се вели дека трговците најчесто се роднини или блиски познаници на семејствата и ги експлоатираат децата преку нивно присилување да пичатат, но и да даваат сексуални услуги.