ЕСМ очекува дека Владата ќе донесе одлука за субвенционирање на сметките за парно за корисниците од „ЕЛЕМ енергетика“, во делот на Гази Баба.
Генералниот директор на АД ЕСМ, Васко Ковачевски, денеска соопшти дека корисниците на парното од „ЕЛЕМ енергетика“ во наредниот период ќе ги добијат сметките за плаќање и очекува да биде прифатено субвенционирањето на тие сметки, за што постапката е во тек.
„Корисниците на парното од ‘ЕЛЕМ енергетика’, во делот на Гази Баба, ќе ги добијат сметките. Сè уште немаше одлука од Влада за субвенционирање. Ние имаме испратено информација до Владата, таа веќе е во процедура и очекуваме да се прифати субвенционирањето на тие сметки, односно на тие граѓани. Во наредниот период граѓаните ќе ги добијат сметките за плаќање на парното. Ако ги испорачавме вака, сметките ќе беа повеќекратно повисоки и ќе се создадеше непријатна ситуација. Очекуваме оваа или наредната недела да имаме сметки со цени кои ги признава и прифаќа Регулаторната комисија за енергетика“,
рече Ковачевски.