Новата малопродажна цена на еуродизел БС (Д-Е V) ќе изнесува 73 денари за литар, а екстра лесното масло за горење (ЕЛ-1) ќе чини 72,5 денари за литар
Од ноќеска на полноќ дизелот поевтинува за еден денар по литар, а цената на екстра лесното масло за домаќинство се намалува за половина денар, одлучи денеска Регулаторнта комисија за енергетика, водни услуги и услуги за управување со комунален отпад (РКЕ).
Со одлуката, според Регулаторна, се врши намалување на малопродажните цени на нафтените деривати во просек за 0,24 отсто.
Така, новата малопродажна цена на еуродизел БС (Д-Е V) ќе изнесува 73 денари за литар, а екстра лесното масло за горење (ЕЛ-1) ќе чини 72,5 денари за литар.
Нема измени на цената на моторните бензини, така што еуросупер БС-95 и понатаму ќе се продава за 76,5 денари за литар, а еуросупер БС-98 за 78,5 денари за литар.
Со одлуката на РКЕ за 0,348 денари за килограм се зголемува малопродажната цена на мазутот М-1 НС и ќе изнесува 40,92 денари.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 0,573 отсто, кај дизелот за 2,404, и кај екстра лесното масло за 2,219 отсто, додека кај мазутот има зголемување во просек за околу 0,971отсто.
Курсот на денарот во однос на доларот по кој беа формирани цените со претходната пресметка е повисок за 0,131 отсто.