За два дена од Киев и Суми евакуирани се 80 илјади луѓе

Вкупниот број на евакуирани од тешко погодените украински градови е близу 400 000, според Министерството за внатрешни работи на Украина

Вкупно 80 000 луѓе за два дена успеаја да избегаат по хуманитарните коридори од регионите Киев и Суми, соопшти украинската вицепремиерка Ирина Верешчук.

„Вкупно 60 000 луѓе го напуштиле североисточниот град Суми и неговата околина од вторникот, а 20 000 луѓе ги напуштија областите северозападно од украинскиот главен град Киев, кои претрпеа тешки руски бомбардирања“,

рече таа.

Верешчук додаде дека едвај 3 000 лица биле евакуирани од Ижум, во близина на опколениот источен град Харков.

Вкупниот број на луѓе евакуирани од тешко погодените украински градови е близу 400 000, според Министерството за внатрешни работи на Украина.

Црвен крст: Околу 400 илјади жители на Мариупол страдаат за храна и вода

Според Обединетите нации, за две недели откако Русија ја нападна Украина, околу 2,3 милиони луѓе ја напуштиле земјата.

Досега од Украина избегале над 2,3 милиони лица, повеќе од половината се во Полска