Синоќа во Нови Сад, имало ‘брутално мешање’ во внатрешната политика на Србија бидејќи таму биле и пратеници на Зелените, тие не дошле на партиски состанок на истомисленици, туку на состанок за кој знаеле дека е насилен, вели Вучиќ
Српскиот претседател Александар Вучиќ изјави дека синоќа додека бил во командно-оперативниот центар на МВР на Србија за време на демонстациите добил информации дека„состанокот на делегати на високо ниво“ (пленум) одлучил, дека на 19 септември ќе бидат организирани демонстрации против канцеларијата за Косово и Метохија.
„Не можат да најдат студенти, професори, никого. Значи, како лично Курти да им наредил што да прават, сега ќе демонстрираат против Канцеларијата за Косово и Метохија. Само кажете ми, дали мислите дека е можно ова да е случајно? Не мислите дека ова им се случило на Хрватите и Словенците? Или дека ова им се случило само на Приштина, Тирана и Загреб? Па, не се случило“.
рече Вучиќ.
Според Вучиќ некој друг сака да ја држи геополитичката карта под контрола, онака како што се држела по Берлинскиот конгрес, пред Балканските војни, пред Првата светска војна, по Првата светска војна.
„Синоќа во Нови Сад, имало ‘брутално мешање’ во внатрешната политика на Србија бидејќи таму биле и пратеници на Зелените, тие не дошле на партиски состанок на истомисленици, туку на состанок за кој знаеле дека е насилен“,
додаде Вучиќ.
Српскиот претседател тврди дека дел од обвинителите и судиите ги ослободуваат уапсените демонстранти затоа што се на нивна страна или ги плаќаат од странство.