Српскиот претседател рече дека во земјата има доволно пченица, пченка, сончогледови семенки, масло и посочи дека сега сите од од Србија бараат поголеми количества пченица и пченка
Претседателот на Србија, Александар Вучиќ изјави дека Владата денеска донела одлука за испорака на 27 000 тони пченица и брашно во Албанија, како и значителни количини пченка, како и дека, во рамките на ‘Отворен Балкан’, според договореното, ќе и биде испорачано и на Северна Македонија, јави МИА од Белград.
Бидејќи во Албанија не можат да примат 35 000 тони пченка, според Вучиќ, еден дел останува во складиште во српските магацини.
„Тие се од ‘Отворен Балкан’, а барања добивме и од Северна Македонија. Ќе испорачаме се во согласност со договорот. А потоа ќе доставиме до БиХ и Црна Гора. Добивме барања од БиХ за количини поголеми за 6 000 тони отколку за целата измината година. Но мислам дека тоа нема да биде посебен проблем за нас“,
рече Вучиќ за ТВ Пинк.
Тој истакна дека Србија има доволно пченица, пченка, сончогледови семенки, масло и посочи дека сега сите од од таму бараат поголеми количества пченица и пченка.
„Сите бараат поголеми количества пченица и пченка, иако имаат помалку жители, поради одливот на граѓани. Тие бараат и сончогледови семенки и сончогледово масло. Денеска ги имавме првите разговори, а сега ќе имаме средба во Јастребац бидејќи откривме три договори кои се антидатирани (пред забраната за извоз), со дополнително зголемени количества на шеќер и брашно, а во тоа учествуваа наши и странски компани“,
објасни тој.