Вучиќ: „Отворен Балкан“ е исклучителна иницијатива, важно е посилно да соработуваме

Официјалниот дел од самитот ќе се одржи утре во Тирана

Претседателот на Србија, Александар Вучиќ, вечерва во Албанија се сретна со премиерите на таа земја и на Северна Македонија, Еди Рама и Зоран Заев во рамки на иницијативата Отворен Балкан.

Вучиќ на Инстаграм напиша дека има „важни разговори“ со премиерите на Албанија и Северна Македонија, Еди Рама и Зоран Заев, за понатамошно поврзување на трите држави.

„Важни разговори како понатаму да продолжиме да напредуваме, да се поврзуваме, да побрзо и посилно соработуваме. Отворениот Балкан го сметаме за исклучителна иницијатива, која е направена поради луѓето што живеат во секој наш град, во секое наше село“,

изјави Вучиќ.

„Отворен Балкан“: Заев и Ковачевски пречекани во Елбасан, утре ќе бидат потпишани пет договори

Претходно беше најавено дека вечерва во Елбасан ќе започне дводневниот самит во рамки на иницијативата Отворен Балкан, со неформална средба на заедничката вечера што Рама ќе ја приреди на Вучиќ и Заев.

Официјалниот дел од самитот ќе се одржи утре во Тирана. Најавено е дека ќе бидат потпишани повеќе трилатерални и билатерални договори за регионална соработка, чиј резултат меѓу другото треба да биде заеднички пазар на труд.

(ВИДЕО) Со палење српски знамиња се протестира против „Отворен Балкан“ во Тирана, Рама ги осуди демонстрантите