Тој се осврна и на протестите, оценувајќи ги како многу насилни. Наведувајќи дека демонстрантите одат во домовите на политичките противници, како во Австрија и Германија во минатото, Вучиќ додаде дека Србија го издржала сето ова на многу демократски начин, без сериозна употреба на сила
Претседателот на Србија Александар Вучиќ, денеска изјави дека изборите ќе бидат распишани пред законскиот рок и дека не може повторно да се кандидира за претседател. Тој нагласи дека не му паѓа на памет да го менува Уставот на Србија за да го стори тоа.
„Дали ќе му помогнам на некого и ќе се борам за оние за кои мислам дека можат да ја водат Србија во иднина за да постигнат успех на изборите, сигурно ќе го направам тоа, и од која позиција во моментов тоа не е тема, ниту би можел самиот да го кажам“,
рече Вучиќ на прес-конференција со австрискиот канцелар Кристијан Штокер во Белград.
Тој додаде дека ќе ги распише изборите во согласност со Уставот и законите.
„Веројатно пред законскиот рок…Изборите ќе покажат што ќе каже народот и кој ќе победи“,
изјави српскиот претседател.
Тој се осврна и на протестите, оценувајќи ги како многу насилни. Наведувајќи дека демонстрантите одат во домовите на политичките противници, како во Австрија и Германија во минатото, Вучиќ додаде дека Србија го издржала сето ова на многу демократски начин, без сериозна употреба на сила.
Вучиќ ги критикуваше австриските медиуми бидејќи, како што изјави, не можело да се слушне различно мислење за протестите во Србија.