Весникот „Блиц“ објави дека тие ќе можат да добијат една од четирите вакцини кои ги има во Србија – „Фајзер/Бионтек“, „Синофарм“, „Астра Зенека“ и „спутник В“
Претседателот на Србија, Александар Вучиќ, денеска побарал од Владата да им обезбеди и на граѓаните на Северна Македонија да можат слободно да се вакцинираат во Србија, објави вечерва „Блиц“ повикувајќи се на свои извори.
Весникот објави дека тие ќе можат да добијат една од четирите вакцини кои ги има во Србија – „Фајзер/Бионтек“, „Синофарм“, „Астра Зенека“ и „спутник В“.
Од денеска граѓаните на Босна и Херцеговина ќе можат да се вакцинираат каде било на територијата на Србија.
Според Вучиќ, има доволно вакцини за сите низ Србија.
Денеска, авион од Русија со компоненти за руската вакцина „спутник В“ слета во Белград, а производството на вакцината во институтот „Торлак“ ќе започне утре.
Според најавите, во првата фаза на производството во Србија, ќе бидат произведени четири милиони дози од вакцината, која ќе се кориисти првенствено за српските граѓани, според договорот меѓу претседателите на Русија и Србија, но и дека Србија ќе му помага и на регионот.