Попладне на повеќе места ќе биде нестабилно со пороен дожд, грмежи и засилен ветер, а локално процесите ќе бидат во форма на невреме со засилен до силен ветер и појава на град, јави УХМР
Времето денеска ќе биде сончево и топло со умерена локална облачност и со засилен северозападен ветер, особено во западните делови, јави Управата за хидрометеоролошки работи (УХМР).
Попладне на повеќе места ќе биде нестабилно со пороен дожд, грмежи и засилен ветер, а локално процесите ќе бидат во форма на невреме со засилен до силен ветер и појава на град.
Минималната температура ќе биде во интервал од 13 до 22 степени, а максималната ќе достигне од 29 до 38 степени. УВ индексот ќе биде 8.
Во Скопје, слично време со појава на повремен пороен дожд, грмежи и засилен ветер попладне. Минималната температура ќе се спушти до 18, а максималната ќе достигне до 34 степени.