За утре се најавува сончево и релативно топло време со мала до умерена облачност, а од петок се очекуваат повремени врнежи од дожд кои постепено ќе преминуваат во снег
Денеска не очекува сончево и релативно топло време. Според Управата за хидрометеоролошки работи (УХМР) во текот на денот ќе има мала до умерена облачност, а ќе дува и слаб до умерен ветер од јужен правец. По одделни котлини ќе има појава на магла или ниска облачност.
Утринската температура ќе биде од минус 2 до 4 Целзиусови степени, а дневната од 6 до 15 степени.
Во Скопје, времето ќе биде претежно облачно и тивко со појава на магла. Температурата ќе биде од минус 1 Целзиусов степен наутро, до 6 степени во текот на денот.
За утре синоптичарите најавуваат сончево и релативно топло со мала до умерена облачност и со слаб до умерен ветер од јужен правец. Температурата во текот на денот ќе биде од 8 до 15 степени.
Во петок попладне и во деновите од викендот ќе има повремени врнежи од дожд, а на планините од снег. Поради спуштање на постудена воздушна маса со северен ветер врнежите постепено ќе преминуваат во снег и во повисоките, а во недела и на пониските места.