Пообилни врнежи се очекуваат во четврток кон крајот на денот, во текот на ноќта и во петок
Времето денеска ќе биде променливо облачно со услови за слаб локален дожд, а ќе дува слаб до умерен ветер од северен правец, информираат од Управата за хидрометеоролошки работи (УХМР).
„Минималната температура изнесува 3 степени, а максималната до 19 степени“,
велат од УХМР.
Во Скопје, променливо облачно со слаб северен ветер.
Температурите ќе бидат во интервал од 8 до 18 степени.
Под влијание на влажни воздушни бранови следува период на променливо облачно време со повремени локални врнежи од дожд.
Пообилни врнежи се очекуваат во четврток кон крајот на денот, во текот на ноќта и во петок.