И во недела претпладне времето ќе биде променливо облачно и нестабилно со локален пороен дожд и грмежи
Претпладне ќе биде сончево со умерена облачност, а попладне и во текот на ноќта ќе биде променливо облачно и нестабилно со локален пороен дожд и грмежи, информираат од Управата за хидрометеоролошки работи (УХМР).
„Наместа процесите ќе бидат поинтензивни во форма на невреме со пообилен пороен дожд и за кратко време ќе наврнат 20 литри на квадратен метар, како и со засилен ветер од над 60 километри на час и изолирана појава на град“,
се вели во прогнозата на синоптичарите.
Минималната температура ќе биде во интервал од 9 до 17, а максималната од 24 до 35 степени.
И во Скопје времето ќе биде променливо облачно, а попладне и во текот на ноќта ќе биде нестабилно со локален пороен дожд, а во делови од котлината во форма на невреме.
Минималната температура ќе се спушти до 12, а максималната до 36 степени.
И во недела претпладне времето ќе биде променливо облачно и нестабилно со локален пороен дожд и грмежи.
Потоа, во текот на следната недела следува период на претежно стабилно и топло време.