Времето денеска: Облачно со сончеви периоди, температурата ќе порасне до 15 степени

„Повремено облачноста ќе се зголемува и ќе има услови за слаби локални врнежи. Во следните два дена дневната температура ќе биде во благ пораст, а потоа за време на викендот во опаѓање“, велат од УХМР

Времето денеска ќе биде променливо облачно со сончеви периоди, информираат од Управата за хидрометеоролошки работи (УХМР).

Оттаму велат дека ќе дува слаб до умерен ветер, а наместа вдолж Повардарието и во источните делови повремено засилен ветер од северозападен правец.

„Попладне на места облачноста ќе се зголемува и ќе има услови за слаби локален дожд, а на планините појава на краткотраен снег. Минималната температура ќе биде во интервал од -7 до 3, а максималната ќе достигне од 7 до 15 степени“,

соопштија од УХМР.

Во Скопје ќе биде сончево со мала до умерена облачност.

„Ќе дува слаб до умерен северозападен ветер. Минималната температура ќе се спушти до 0, а максималната ќе достигне 10 степени“,

велат од УХМР.

Оттаму најавуваат дека следува период на сончево време со мала до умерена облачност и со умерен, вдолж Повардарието и во источните делови засилен ветер од северен правец.

„Повремено облачноста ќе се зголемува и ќе има услови за слаби локални врнежи. Во следните два дена дневната температура ќе биде во благ пораст, а потоа за време на викендот во опаѓање“,

велат оттаму.