Од вечерва се очекува период на облачно време со повремени локални врнежи од дожд, што ќе бидат пообилни во западните и јужните делови од земјата
Променливо облачно, а кон крајот на денот и во текот на ноќта ќе има повремени локални врнежи од дожд, велат од Управата за хидрометеоролошки работи (УХМР) за времето денеска.
„Минималната температура ќе биде во интервал од -1 до 5 степени, а максималната ќе достигне од 8 до 15 степени“,
пишува во прогнозата на синоптичарите.
И во Скопје ќе биде претежно облачно со слаб ветер. Минималната температура ќе се спушти до 1, а максималната ќе достигне 9 степени.
Од вечерва се очекува период на облачно време со повремени локални врнежи од дожд, што ќе бидат пообилни во западните и јужните делови од земјата.
На повисоките планини, врнежите од дожд ќе преминуваат во врнежи од снег.
Се очекува минималните темпратури да бидат позитивни.