Утре и за време на викендот се очекуваат пообилни врнежи од дожд, односно да наврнат над 30 литри на метар квадратен за 24 часа, локално во форма на невреме со засилен ветер и услови за појава на грмежи
Наутро на одредени котлини низ земјата ќе има појава на магла. Во текот на денот ќе биде облачно со повремени врнежи од дожд, информираат од Управата за хидрометеоролошлки работи (УХМР).
„Минималната температура ќе биде во интервал од 7 до 11, а максималната ќе достигне од 15 до 19 степени“,
велат синоптичарите.
Во Скопје утрово ќе има услови за појава на магла. Потоа, во текот на денот времето ќе биде претежно облачно со повремени врнежи од дожд, но со послаб интензитет.
„Минималната температура ќе се спушти до осум, а максималната ќе достигне до 17 степени“,
пишува во прогнозата од УХМР.
Циклонската активност што изминатите делови ја зафати земјата ќе продолжи до крајот на неделата.
Утре и за време на викендот се очекуваат пообилни врнежи од дожд, односно да наврнат над 30 литри на метар квадратен за 24 часа, локално во форма на невреме со засилен ветер и услови за појава на грмежи.
Од недела утринските и дневните температури значитлено ќе опаднат, а на повисоките планини ќе има врнежи од слаб снег.