„Синдикалната организација има штрајкувачки одбор, која прогласи штрајк и го стави во мирување согласно Законот за мирно решавање на работни спорови. Дадовме можност 10 дена да почне мировниот процес, но од другата страна изгледа не сакаат да комуницираат со нас“, вели Горан Ристески, претседател на Независниот синдикат на државната администрација, каде што членува и синдикалната организација на „Паркови и зеленило“
Вработените од Јавното претпријатие „Паркови и зеленило“ и од фирмите ќерки „Флораком“ и „Луна“, кои изминатиот период протестираат поради неисплата на платата за септември, објавија дека одлуката за штрајк е ставена во мирување согласно Законот за мирно решавање на работни спорови, но најавуваат секојдневни протести од 9 до 11 часот пред просториите на „Паркови и зеленило“.
„Синдикалната организација има штрајкувачки одбор, која прогласи штрајк и го стави во мирување согласно Законот за мирно решавање на работни спорови. Дадовме можност 10 дена да почне мировниот процес, но од другата страна, од градоначалник, директор и претседател на Управен одбор при ‘Паркови и зеленило’ немаме контакт, изгледа не сакаат да комуницираат со нас и да го решиме проблемот“,
изјави Горан Ристески, претседател на Независниот синдикат на државната администрација, каде што членува синдикалната организација на „Паркови и зеленило“.
Ристески додава дека согласно Колективниот договор, вчера до директорот и до Управниот одбор на „Паркови и зеленило“ поднеле известување со кое предложиле тројца членови и тројца заменици на мировниот совет во рамки на постапката за помирување.
„Дадовме рок од пет дена да се состави со решение мировниот совет и да одлучи за проблемите што се настанати. Од понеделник ќе почнеме и со други начини на протестирање или штрајк, за што ќе одлучи штрајкувачкиот одбор. Ние и понатаму, додека не се исплати платата, ќе протестираме секој ден“,
додаде Ристески.
Синдикалците при „Паркови и зеленило“, „Флораком“ и „Луна“ претходно најавија дека ако до 28 октомври не ги добијат платите за септември, ќе ја активираат одлуката за штрајк.