Возачот навремено го напуштил возилото и не е повреден
Возило останало заглавено кај подвозникот во населбата Дарданија, Општина Тетово, во близина на полигонот, информира Центарот за управување со кризи. Преку бројот за итни повици 112, било пријавено дека на местото е насобрана поголема количина вода, а возач кој со својот автомобил се обидел да помине низ водата, не успеал при што возилото останало заглавено.
Возачот навремено го напуштил возилото и не е повреден.
„На местото на настанот веднаш излегле екипи на СВР Тетово и ТППЕ Тетово, кои интервенирале со две противпожарни возила и четворица пожарникари за санирање на состојбата“,
велат од ЦУК.
Во населбата Дарданија постојат две алтернативни улици кои граѓаните можат да ги користат, додека трае расчистувањето и нормализирањето на состојбата, посочуваат од ЦУК.
„Апелираме на претпазливост и почитување на упатствата од надлежните служби“,
додаваат од ЦУК.