Од полицијата велат дека автобусот не се движел кога се случил нападот и потврдуваат оти возачот е во притвор
Две лица се загинати во пукање во автобус што денеска се случило во Мајами пред трговски центар, пренесуваат американските медиуми.
Според првичниот полициски извештај, возачот на автобусот се вмешал во расправија со двајца патници и за време на инцидентот тој пукал во патниците.
Двете жртви биле пренесени во болницата Авентура каде подоцна била констатирана смрт.
Од полицијата велат дека автобусот не се движел кога се случил нападот и потврдуваат оти возачот е во притвор.
Shooting on Miami-Dade Transit bus in Miami Gardens kills 2. #Florida
— GeoTechWar (@geotechwar) March 30, 2025
Driver argued with passengers, opened fire around 3 a.m. Sunday.
Victims died at hospital. Driver detained, charges unclear.
Investigation ongoing at shopping plaza crime scene. Motive and passenger… pic.twitter.com/M1ZwaIJDZn
Како што пренесуваат медиумите, возачот не бил застрелан и се уште се истражува зошто решил да пука во патниците.
„Ова е расправија меѓу возачот и жртвите. Засега немаме целосни информации за да кажеме дека нашата заедница или било кој патник треба да се плаши од возење со автобус“,
вели Дијана Делгадо од полицијата во Мајами.
Портпаролот на Одделот за транспорт и јавни работи на Мајами, Хуан Мендиета вели дека „пиштолите не се дозволени како мерка за самоодбрана за возачите на окружните автобуси“.
„Транзитните оператори не смеат да бидат вооружени“,
вели тој.