Кантоналната полиција на Вале објави дека 30 лица се евакуирани од возот
Воз излета од шините во близина на Гопенштајн во Јужните Алпи во Швајцарија, а веројатно има повредени, соопшти локалната полиција.
„Гопенштајн, 7 часот наутро, воз излета од шините, веројатно има повредени, во тек е итна реакција, наскоро повеќе информации“,
објави кантоналната полиција Вале на мрежата Икс.
Според полицијата, во овој момент немаат дополнителни информации за околностите на несреќата или за бројот на повредени.
Од железничката компанија BLS за веб-страницата „Блик“(Blick) изјавија дека излетаниот воз бил регионален кој тргнал од Шпиц, Берн, околу 6 часот наутро. Во 10 часот, кантоналната полиција на Вале објави дека 30 лица се евакуирани од возот.
A perilous rescue operation is underway after a passenger train derailed near a small village in the Swiss Alps this morning.
— Newsdailyonline (@Newsdailyng1) February 16, 2026
The train, carrying 80 passengers, departed from Brig around 6.12am before derailing after an avalanche struck near the village of Goppenstein, in Valais pic.twitter.com/bEvfODXvWc
На својата веб-страница, Швајцарските федерални железници (SBB) соопштија дека железничките услуги биле прекинати помеѓу Гопенштајн и Бриг поради лавина.
Кога се случила несреќата, во возот биле околу 80 патници.
Портпаролот на BLS вели дека причина за несреќата е лавина и оти патниците наскоро ќе бидат евакуирани.
Швајцарските федерални железници објавија дека сообраќајот на линијата ќе остане во прекин најмалку до утре наутро.