Dow Jones падна оваа година за околу 8,5 отсто, а Nasdaq индексот за речиси 33 отсто. Инфлациските притисоци се намалија во последните месеци, поддржувајќи ги надежите дека ФЕД наскоро ќе го заврши циклусот на зголемување на стапките, но инвеститорите стравуваат дека економијата следната година ќе западне во рецесија и каматните стапки ќе останат на високи нивоа подолго од очекуваното
На Волстрит, берзанските индекси пораснаа, најмногу благодарение на корекцијата на цените на акциите по два дена пад, при што Nasdaq се повлече од најниското ниво во годината. Dow Jones зајакна 1,05 отсто, на 33 220 поени, додека S&P 500 порасна за 1,75 отсто, на 3 849 поени, а индексот Nasdaq 2,59 отсто, на 10 478 поени.
Силниот раст на Nasdaq, откако ден претходно се лизна на најниското ниво од јули 2020 година, најмногу се должи на растот на цените на акциите во технолошкиот сектор. Акциите на Епл, Мајкрософт и Амазон поскапеа за повеќе од 2,5 отсто, откако беа под притисок во претходните денови. Токму затоа, технолошкиот и комуникацискиот сектор вчера, претпоследниот ден на тргување годинава, беа најголеми добитници меѓу 11-те најважни сектори на индексот S&P 500 од кои сите забележаа раст.
Зголемување на каматните стапки
Благодарение на ова, S&P 500 ја намали загубата за годината на 19,3 проценти. Но, 2022 година ќе биде запаметена по нејзиниот најголем пад од финансиската криза во 2008 година. Ова е резултат на агресивното зголемување на каматните стапки од страна на американската централна банка за да се ограничи инфлацијата, која кон средината на годината ги достигна највисоките нивоа во последните 40 години.
Dow Jones падна оваа година за околу 8,5 отсто, а Nasdaq индексот за речиси 33 отсто. Инфлациските притисоци се намалија во последните месеци, поддржувајќи ги надежите дека ФЕД наскоро ќе го заврши циклусот на зголемување на стапките, но инвеститорите стравуваат дека економијата следната година ќе западне во рецесија и каматните стапки ќе останат на високи нивоа подолго од очекуваното.
Поради ова, деновиве нема оптимизам на пазарот, што вообичаено го поддржува растот на пазарот на крајот од секоја година. Цените на акциите вчера пораснаа и на европските берзи. Лондонски FTSE индекс зајакна за 0,21 отсто, на 7.512 поени, додека франкфуртски DAX порасна за 1,05 отсто, на 14 071 поен, а париски CAC 0,97 отсто, на 6 573 поени.