Американските сили во текот на изминатите неколку месеци извршија серија напади врз бродови во регионот на Карибите и во Тихиот океан, поради наводен шверц на наркотици, но во најголем дел од случаите не презентираа докази за да ги поткрепат таквите тврдења и да ги оправдаат нападите, наведува германската новинска агенција ДПА
Американската војска изврши напад на уште еден брод во Источниот пацифик, кој наводно шверцувал дрога, при што загинале четири лица на бродот, соопшти синоќа Јужната команда на САД (SOUTHCOM), пренесе ДПА.
Бродот наводно бил управуван „од назначена терористичка организација“ и носел наркотици по позната рута за шверц.
„Четири машки наркотерористи на бродот беа убиени“,
соопшти Јужната команда на војската на САД на платформата Икс.
On Dec. 4, at the direction of @SecWar Pete Hegseth, Joint Task Force Southern Spear conducted a lethal kinetic strike on a vessel in international waters operated by a Designated Terrorist Organization. Intelligence confirmed that the vessel was carrying illicit narcotics and… pic.twitter.com/pqksvxM3HP
— U.S. Southern Command (@Southcom) December 4, 2025
Американските сили во текот на изминатите неколку месеци извршија серија напади врз бродови во регионот на Карибите и во Тихиот океан, поради наводен шверц на наркотици, но во најголем дел од случаите не презентираа докази за да ги поткрепат таквите тврдења и да ги оправдаат нападите, наведува гермската новинска агенција.
Медиумските извештаи наведуваат дека досега во вакви операции се убиени речиси 90 лица.
Американската администрација ги опиша жртвите како шверцери на дрога и „терористи“.
Вонсудските убиства предизвикаа широки критики, а експертите за човекови права на Обединетите нации велат дека дејствијата го кршат меѓународното право, потсетува ДПА.
Шефот на Пентагон, Пит Хегсет, неодамна изјави дека се планираат дополнителни напади.
„Тукушто почнавме да напаѓаме нарко-бродови и да ги ставаме нарко-терористите на дното на океанот“,
рече тој за време на неодамнешниот состанок на кабинетот