Странските државјанки се на возраст од 22 до 34 години, а според полицијата, се задржани во полициска станица за понатамошна постапка
Во угостителски објект во гостиварското село Добридол полицијата вчера извршила контрола и затекнала седум странски државјанки, кои ја злоупотребиле намената на туристичкиот престој во земјата, информираат од Министерството за внатрешни работи (МВР).
Оттаму информираат дека странските државјанки се по потекло од Јужна Америка, односно пет се од Бразил, а по една е од Колумбија и од Венецуела.
„На 12.01.2005 година во 2:10 часот полициски службеници од ОВР Гостивар извршиле акциска контрола, при што поради злоупотреба на туристички престој, односно престојување спротивно на целта, биле приведени седум странски државјанки на возраст од 22 до 34 години“,
се вели во соопштението од МВР.
Според полицијата, тие се задржани во полициска станица за понатамошна постапка.