Главниот противкандидат на Виктор Орбан ги повика Унгарците да излезат и да гласаат, велејќи дека првичните податоци за излезеноста се многу охрабрувачки, а оти бројот на гласачи уште во првиот час од изборите ги срушил сите рекорди
Во тек се судбоносни избори – порача лидерот на опозициската партија Тиса, Петар Маѓар, кој е главен противкандидат на актуелниот премиер на Унгарија, Виктор Орбан. Откако гласаше во 12. округ на Будимпешта, Маѓар во изјава за медиумите кажа дека првичните податоци за излезеноста на изборите се многу охрабрувачки.
„Унгарија гласа на судбоносни избори. Одлучуваме помеѓу Исток и Запад, пропаганда и искрен јавен говор, корупција и чист јавен живот, понатамошен колапс на јавните услуги или враќање на европските фондови и почеток на унгарската економија. Избираме помеѓу егзистенцијална криза и пристоен живот“,
рече Петер Маѓар по гласањето.
Тој ги повика Унгарците да излезат и да гласаат, велејќи дека првичните податоци за излезеноста се многу охрабрувачки, а оти бројот на гласачи уште во првиот час од изборите ги срушил сите претходни рекорди.
„Свесни сме дека во некои окрузи се подготвуваат обиди за изборна злоупотреба. Има најави за таканаречени операции со лажно знаме, влегување во избирачки места со симболи на движењето Тиса, со цел да се наруши изборниот процес, а подоцна и да се оспорат резултатите. Ги повикувам граѓаните да останат смирени, прибрани и да не наседнуваат на провокации. Доколку изборите се одржат мирно и законски, Тиса и Унгарија, ќе победат“,
рече Маѓар.
Én már szavaztam. Szavazz te is, és kérlek biztasd erre minden rokonodat, ismerősödet és barátodat is!
— Magyar Péter (Ne féljetek) (@magyarpeterMP) April 12, 2026
Minden szavazat számít, lesznek olyan választókerületek, ahol néhány szavazaton múlik majd az eredmény.
Váltsunk közösen rendszert, írjunk közösen történelmet!
Isten, áldd… pic.twitter.com/AO4VurPExW
Според официјалните податоци на Националната изборна канцеларија на Унгарија, до 13 часот попладнево на гласање излегле рекордни 54,14 отсто од запишаните избирачи.