Најновото линеарно зголемување од 2 500 денари за сите вработени во јавниот здравствен сектор, со кое вкупното зголемување на платите, заедно со ноемвриското покачување достигнува 4 815 денари нето за сите здравствени работници, а за медицинските сестри изнесува 6 200 денари. Со тоа, просечната плата во здравството, како што рече министерот, сега се движи околу 50 200 денари
Во тек се процедурите за 1 200 вработувања во здравството, рече на денешната прес-конференција министерот за здравство Арбен Таравари.
„Процедурите за вработувања течат, а некои болници веќе објавиле огласи“,
рече министерот.
Посочи и дека во тек се и најавените вработувања на специјализантите.
Го најави најновото линеарно зголемување од 2 500 денари за сите вработени во јавниот здравствен сектор, со кое вкупното зголемување на платите, заедно со ноемвриското покачување достигнува 4 815 денари нето за сите здравствени работници, а за медицинските сестри изнесува 6 200 денари.
Просечната плата во здравството, како што рече министерот, сега се движи околу 50 200 денари.
Според него, ова е највисок реалеен раст на платите во јавното здравство во последната деценија и доказ дека кога има политичка волја има и резултати.
„Наша цел е да изградиме здравствен систем во кој професионалците ќе се чувствуваат ценети, мотивирани и подготвени да останат и работат тука, дома. Со ова зголемување, испраќаме порака дека достоинството на здравствениот работник не се преговара, тоа се брани и унапредува“,
рече Таравари.
Со зголемувањето на платите на здравствените работници, додаде дека им се испраќа пораката дека тие се темелот на нашето здравство, но и дека државата стои зад нив.