Претседателот на Украина, Владимир Зеленски, пак, претходно ги повика западните земји да не шират паника поради напнатоста со Русија која Западот ја обвинува дека подготвува напад
НАТО не планира да испрати војници во Украина доколку Русија изврши инвазија, изјави денеска генералниот секретар на НАТО, Јенс Столтенберг.
На прашањето дали би отфрлил евентуално распоредување војници во Украина, Столтенберг рече дека немаат такви планови туку се фокусираат на давање поддршка.
„Постои разлика помеѓу тоа да се биде член на НАТО и да се биде силен и исклучително вреден партнер како Украина. Нема сомнеж во тоа“,
рече Столтенберг.
Претседателот на Украина, Владимир Зеленски, пак, претходно ги повика западните земји да не шират паника поради напнатата ситуација со Русија која Западот ја обвинува дека подготвува напад. Повикот од Зеленски дојде во период кога рускиот претседател Владимир Путин и неговиот француски колега Емануел Макрон разговараа дека е потребно да се смири напнатоста.
Вашингтон, пак, смета дека тоа што Русија распоредила повеќе од 100 000 војници близу украинската граница е знак дека е можно да нападне во блиска иднина.
Photo: EPA-EFE/VIRGINIA MAYO / POOL