Во меѓувреме, друга фармацевтска компанија со седиште во САД, „Новавакс“, во понеделникот објави дека поднела барање до ФДА за одобрување на нејзината долгоодложувана вакцина против ковид-19, за итна употреба, која е слична на вакцината „Спутник“ и би била избор за оние кои не сакаат да се вакцинираат со вакцините со РНК технологија
Фармецевтската компанија „Фајзер“ и германскиот партнер „Бионтек“ денеска до Управата за храна и лекови (ФДА) во САД ќе поднесат барање за одобрување на употребата на нејзината вакцина против ковид-19 за деца под пет години.
Двете компании бараат од ФДА одобрување за итна употреба на нејзината вакцина со две дози за деца од шест месечна возраст и нагоре, иако уште во декември објавија дека вакцината не продуцирала имунолошки одговор кај децата на возраст од две до четири години.
Двете компании сега одлучија да додадат трета доза на нивните клинички испитувања. Но, здравствените експерти ги повикаа „Фајзер“ и „Бионтек“ да го поднесат барањето до ФДА за режимот со две дози додека ги чекаат резултатите од тестирањата што ја вклучуваат третата доза.
Вакцината би можела да биде достапна за употреба кон крајот на февруари доколку и ФДА и Центрите за контрола и превенција на болести дадат конечно одобрение за итни случаи.
Во меѓувреме, друга фармацевтска компанија со седиште во САД, „Новавакс“, во понеделникот објави дека поднела барање до ФДА за одобрување на нејзината долгоодложувана вакцина против ковид-19, за итна употреба.
Вакцината со две дози е развиена со конвенционален метод кој користи протеини за да го натера имунолошкиот систем на телото како да го препознае и блокира коронавирусот, слична на руската „Спутник“. Клиничките испитувања открија дека вакцината била околу 90 отсто ефикасна во обезбедувањето доволно имунитет за заштита од почетната верзија на болеста и нејзините варијанти.
Експертите велат дека технологијата би можела да се прифати од лицата кои се двоумат дали да се вакцинираат со вакцини развиени од „Фајзер“ или „Модерна“ со понапредна РНК технологија.