За време на викендот, односно во сабота и во недела, полицискиот час ќе почнува од 16, наместо од 21 часот, како што е во работни денови. Тоа е предвидено со одлуката на Владата за дополнително ограничување на движењето на граѓаните. Забраната за движење ќе трае до пет часот наутро.
„Со цел уште поголема заштита на населението од ширењето на коронавирусот, Владата денеска донесе одлука за дополнителна рестрикција на движењето на населението за време на викенд. Се забранува движењето на сите граѓани за време на викенд (сабота и недела) од 16 часот до 05 часот! Остануваат во сила и сите други претходно донесени забрани“,
соопштуваат од Владата.