Состанокот кај Меџити е во пресрет на најавениот протест на синдикатите, на кој тие најавија дека ќе го изразат незадоволството токму од непотпишувањето на анексот на колективниот договор што треба да им донесе покачување на платите согласно растот на минималната плата
Претставници на синдикатите за здравство утрово се на состанок кај министерот за здравство Фатмир Меџити за да разговараат за анексот на колективниот договор со кој се бара корекција на коефициентите за исплата на плати.
„Од кабинетот на министерот за здравство Фатмир Меџити синоќа нè повикаа на средба денеска во девет часот за да разговараме за текстот на анексот. Ќе видиме дали ќе се потпишува“,
изјави утрово за МИА претседателот на Самостојниот синдикат на здравство, фармација и социјална заштита Љубиша Каранфиловски.
Станува збор, посочува Каранфиловски, за непотпишаниот анекс на колективниот договор, за кој вели, шест месеци го бараат и постојано се одложува.
Тој на средбата ќе присуствува заедно со потпретседателот на Синдикатот на Клинички центар, Предраг Серафимовски.
Состанокот кај Меџити е во пресрет на најавениот протест на синдикатите, на кој тие најавија дека ќе го изразат незадоволството токму од непотпишувањето на анексот на колективниот договор што треба да им донесе покачување на платите согласно растот на минималната плата.
Протестот симболично го закажаа да почне во 5 минути до 12 часот.