Нападот ја потресе земја во која ретко се случува убиство на полицајци на должност. Високиот наредник Лин Флеминг е првата жена офицер во историјата на Нов Зеланд убиена во криминален чин додека била на работа, соопшти полицијата во четвртокот
Возач прегази двајца полицајци од Нов Зеланд додека патролираа пеш во раните утрински часови на денот на Нова година убивајќи го едниот, а тешко ранувајќи го другиот, изјави началникот на полицијата на земјата, јави АП.
Нападот ја потресе земјата во која ретко се случува убиство на полицајци на должност. Високиот наредник Лин Флеминг е првата жена офицер во историјата на Нов Зеланд убиена во криминален чин додека била на работа, соопшти полицијата во четвртокот.
Во нападот што се случил вчера, возило со голема брзина удрило во полицајците додека тие вршеле рутинска патрола на паркинг, а потоа возачот извртел и удрил во полициското возило, изјави полицискиот комесар Ричард Чемберс за новинарите во градот Нелсон на Јужниот Остров.
Флеминг починала во локалната болница неколку часа подоцна.
Statement from the New Zealand Police Commissioner, Richard Chambers re the murder of one of his officers. pic.twitter.com/0JuulEdRjw
— Chris Hobbs (@obbsie) January 1, 2025
Во инцидентот повредени се и двајца случајни минувачи.
Полицијата уапси 32-годишен маж осомничен за повеќе кривични дела, меѓу кои и убиство и обид за убиство.
I am devastated that Senior Sergeant Lyn Fleming has died and another officer is critically injured after a violent incident in Nelson last night.
— Christopher Luxon (@chrisluxonmp) January 1, 2025
Police across New Zealand do an incredible job keeping us safe and it’s heart-wrenching for an officer to lose her life carrying…
Последното убиство на полицаец на должност во Нов Зеланд се случило во 2020 година, кога полицаец бил застрелан од возач кој бил во бегство. Според полициските записи, од 1890 година 33 полицајци загинале како жртви на злосторства додека биле на должност.
Флеминг беше полицајка 38 години и долгогодишен тренер по нетбол во локалното женско училиште.
„Таа беше мајка, сопруга и добро познат, високопочитуван член на заедницата на Нелсон“,
рече Чемберс.