Според него, утре напомош ќе дојдат специјалисти по изгореници на интензивна нега од Израел, Белград и Прага, со цел да им помогнат на нашите доктори
Сите пациенти што се згрижени во нашите болници се во стабилна и добра состојба, соопшти вечерва министерот за здравство Арбен Тарвари објавувајќи ги последните информации за состојбата на згрижените пациентите во болниците во Скопје и во другите градови.
„Од тие 20 критични и средно тешки пациенти, некои се испратени во соседните и други држави, онаму од каде што ни кажаа дека се подготвени да ги прифатат нашите пациенти. Уште еднаш благодарност до нив“,
рече министерот.
Посочи дека на Клиничкиот центар се хоспитализирани 25 пациенти, сите во стабилна состојба и надвор од животна опасност.
Во болницата за хируршки болести „Свети Наум Охридски“ има 24 пациенти, надвор од животна опасност.
И пациентите во болницата „8 Септември“ се во стабилна состојба.
Во Штип има 29 пациенти, а во Кочани 13 пациенти. И во двете болници пациентите се во стабилна состојба, рече Таравари, а некои од нив веќе се пуштени на домашно лекување.
„Вкупно 115 пациенти се лекуваат во нашите болници“,
кажа тој.
Тројца пациенти се пренесени во болницата „Папаниколау“ во Солун. Во Бугарија има 14 пациенти, од кои во Софија се осум, во Пловдив и Варна има три пациенти.
Во Белград и Ниш има по еден пациент, а во Истанбул се веќе отидени три пациенти, а шест патуваат вечерва со авион. Додаде дека за Хрватска ќе патуваат четири пациенти и за Белград ќе патуваат уште 15 пациенти.
„Тоа значи дека 47 пациенти ќе се лекуваат во странство“,
рече Таравари.
Според него, утре напомош ќе дојдат специјалисти по изгореници на интензивна нега од Израел, Белград и од Прага, со цел да им помогнат на нашите доктори.
„Тие ќе им помагаат на нашите колеги кои неуморно работат“,
рече тој.
Посочи дека здравствената состојба на хоспитализираните пациенти во нашите болници е стабилна, но додаде дека состојбата се менува и можат да развијат состојби што можат да бидат проблематични.