На денешен ден пред 24 години кај селото Вејце, во околината на Тетово загинаа осуммина припадници на безбедносните сили
Во касарната „Илинден“ во Скопје денеска делегации од Министерството за одбрана и Генералштабот на Армијата им оддадоа почит на загинатите бранители кај месноста Вејце.
Денеска се навршуваат 24 години откако на 28 април 2021 година, за време на воениот конфликт во земјата, кај шарпланинското село Вејце загинаа осуммина припадници на македонските безбедносни сили, од кои четворица беа припадници на специјалната единица „Волци“ и четворица од посебната единица на полицијата од Битола.
Министерот за одбрана Владо Мисајловски и началникот на Генералштабот на Армијата генерал-мајор Сашко Лафчиски денеска положија венци со цвеќе пред спомен обележјето на загинатите припадници на баталјонот за специјални сили кај месноста Вејце.
„Во чест на загинатите припадници како постар водник Роберт Петковски, водник Бобан Трајковски, водник Миле Јаневски и водник Игор Костески, венци со цвеќе положија и припадници од баталјонот за специјални сили, командите на единиците на Армијата, поранешни припадници на баталјонот за специјални намени и членови на семејствата на загинатите припадници на Армијата“,
се вели во соопштението од Министерството за одбрана.
На 28 април 2021 година беа убиени Роберт Петковски (27), Игор Костески (26), Миле Јаневски (30), Бобан Трајковски (28), Марјан Божиновски (27), Илче Стојановски (24), Бошко Најдовски (25) и Кире Костадиновски (24).
Масакрот се случил во 17:45 часот откако од заседа беа убиени, а потоа масакрирани и живи запалени осумтемина припадници на безбедносните сили.