Во грчко село во регионот на Преспа е поставен споменик посветен на протестите против потпишувањето на договорот за решавање на спорот за името меѓу Скопје и Атина, пред две години.
„Во ова село, на 17 јуни 2018 година, грчките граѓани се спротивставија на потпишувањето на договорот од Преспа“,
пишува на мермерниот споменикот подигнат во грчкото село Писодери во северниот дел на земјата, каде што пред две години имаше инциденти, додека во Псарадес тогашните премиери Зоран Заев и Алексис Ципрас го ставија нивниот потпис на решението меѓу двете земји, јави МИА.
На споменикот се потпишани извесни „Македонци од Драма“, кои пишуваат дека „го кинат договорот од Преспа“.
На задната страна на споменикот запишани се имињата на 19 лица од Грција, Канада, Австралија и САД, кои се спонзори и финансиски помогнале за изградбата. Тие, според локалните медиуми, за споменикот добиле дозвола од Општина Преспа.