Во Гостивар прва доза примиле 20 909 граѓани што е 21, 8 проценти од возрасната популација и ова е град со најмал опфат на имунизирано население
Во градовите во кои има најмал процент на имунизирано население против ковид, најбрзо се шири вирусот, покажува анализата што ја објави Телма повикувајќи се на податоци од Министерството за здравство.
Во Гостивар прва доза примиле 20 909 граѓани што е 21, 8 проценти од возрасната популација и ова е град со најмал опфат на имунизирано население. Потоа следат Кичево со 24,4 проценти, Струмица 26, Тетово 26,6, Куманово 26,7 и Скопје 37 проценти вакцинирани граѓани над 18 години со барем една доза од вакцините против ковид.
Во овие градови најголем е и притисокот врз болниците од новиот бран особено во Тетово и Гостивар, каде веќе нема слободни болнички кревети, па пациентиете ќе се препраќаат во главниот град.
Сосема поинаква е епидемиолошката состојба во градовите каде има поголем број вакцинрани граѓани. Највисок процент на имунизирано население има во Гевгелеија. Дури 54,2 проценти од возрасносто население примило барем една доза од вакцините против ковид. Во овој град во моментот има четириесетина активни случаи.
Високо на листата со вакцинирани повеќе од половина жители се и Кавадарци, Неготино и Охрид, а со 49,6 и 49,4 проценти имунизирано население имаат и Битола и Ресен. Во сите овие населени места и бројот на заболени е помал, како и притисокот врз болницте.