„Констатирано е дека во непосредна близина на пожарот има висока концентрација на штетни супстанци. На околу 200 метри од центарот на пожарот загаденоста е ниска, додека мерењата од оваа специјализирана единица на Министерството за одбрана, на 400 метри од изворот на пожарот не е евидентираа присуство на загадување од страна на пожарот“, изјави вечерва министерот за внатрешни работи Панче Тошковски
Според Тошковски, за да се минимализира опасноста по здравјето на граѓаните што живеет во непосредна близина на пожарот, Министерството директно им посочило да ги напуштат своите домови
Министерот за внатрешни работи Панче Тошковски на прес-конференција што се одржа доцна вечерва пред зградата на Министерството за внатрешни работи (МВР) информираше дека пожарот во скопско Трубарево избил во објект во кој биле складирани поголеми количини електронски и пластичен отпад.
По одржаниот состанок на Комитетот за управување со кризи, Тошковски рече дека карактеристично за ваквите пожари е што складираните батерии при согорувањето создаваат екстремно висока температура и го прават гаснењето на огнот исклучително тешко и ризично.
„Беше применета метода препорачана за гаснење вакви пожари, односно гаснење со ситна песок. Во соработка со повеќе институции и компании беа обезбедени потребните количини и пожарот беше локализиран, односно нема опасност од негово проширување надвор од објектот, додека пожарот и натаму е активен и гаснењето е во тек“,
рече Тошковски.
Тошковски кажа дека на местото излегла и екипа на Дирекцијата за радијациона сигурност која констатирала дека нема радијационо зрачење.
Специјализирана единица на Министерството за одбрана извршила мерење на квалитетот на воздухот.
„Констатирано е дека во непосредна близина на пожарот има висока концентрација на штетни супстанци. На околу 200 метри од центарот на пожарот загаденоста е ниска, додека мерењата од оваа специјализирана единица на Министерството за одбрана, на 400 метри од изворот на пожарот не е евидентираа присуство на загадување од страна на пожарот“,
вели тој.
Според Тошковски, за да се минимализира опасноста по здравјето на граѓаните што живеет во непосредна близина на пожарот, Министерството директно им посочило да ги напуштат своите домови.
„За таа цел веднаш беа ставени на располагање сместувачки капацитети на Центарот за обука во близина на местото на пожарот каде граѓаните што имаат потреба можат да бидат згрижени“,
изјави Тошковски.
Министерот информираше дека во врска со пожарот се вршат разговори со три лица што се сопственици или управители на опожарениот објект за да се утврдат околностите и причините за избувнувањето на пожарот.
„Оперативните активности за расчистување на овој настан продолжуваат и понатаму во координација со надлежниот јавен обвинител“,
додаде Тошковски.
Инаку, пожарот избувна денеска околу 13:30 часот во објект на фирмата „Ф-Групација“ во скопско Трубарево, на територија на Општина Гази Баба. Надлежните информираа дека во гаснењето биле вклучени сите расположливи институции и средства.
Граѓаните на социјалните мрежи изразуваат сила загриженост за здравјето со оглед дека црниот облак од чад беше видлив од цело Скопје и околината, а се почувствува и силен мирис на изгорено.
Институтот за јавно здравје објави препораки за заштита на здравјето на граѓаните меѓу кои – лица со респираторни заболувања, мали деца, стари лица и бремени жени да избегнуваат активности на отворено, а кога е неопходно движење на отворено во области кои се во непосредна близина на опожарени места, да се користат соодветни маски.