Во близина на Доналд Трамп имало пукање, поранешниот претседател е безбеден

„Њујорк пост“ објави дека престрелката се случила помеѓу две лица пред голф-клубот на поранешниот претседател Доналд Трамп, кој во моментот на пукањето играл голф на еден од терените

Во близина на републиканскиот кандидат за претседател на Соединетите Американски Држави, Доналд Трамп, денеска се слушнале истрели од огнено оружје, соопштија од изборниот штаб на поранешниот претседател. Портпаролот на кампањата, Стивен Чеунг, изјави дека Трамп е безбеден и оти тој не бил цел на лицата што пукале.

„Претседателот Трамп е безбеден по истрелите во неговата близина“,

изјави Чеунг.

„Њујорк пост“, повикувајќи се на извори од полицијата, објави дека пукањето е резултат на престрелка помеѓу две лица пред голф-клубот на Доналд Трамп во Флорида, а во моментот на пукањето поранешниот претседател и актуелен републикански кандидат за претседателското столче играл голф и не бил во опасност од настанатиот инцидент.

(ВИДЕО) Пукотници на митингот на Доналд Трамп во Пенсилванија, кандидатот за претседател на САД симнат од бината со крвава глава

На 13 јули годинава поранешниот американски претседател и кандидат за нов мандат Доналд Трамп преживеа обид за атентат на митинг во Батлер, Пенсилванија. Атентаторот, 20-годишниот Томас Метју Крукс од Бетел Парк, Пенсилванија, беше ликвидиран на самото место од страна на агентите на Тајната служба откако претходно тој испука неколку куршуми од кои еден заврши во увото на Трамп, а друг усмрти еден симпатизер кој беше позициониран на платото зад бината на која се наоѓаше поранешниот претседател.

ФБИ го идентификува напаѓачот на Трамп – дваесетгодишниот Томас Метју Крукс од Пенсилванија