„Катастрофата веќе се случува кај СДС, a Филипче слави. Лидерот на СДС одлучи да прослави победа на политичка партија на избори во друга земја како да е негова лична победа. Партијата што победи таму ѝ е сестринска на ВМРО-ДПМНЕ. Она што Филипче избра да не го спомене е дека сестринската партија на СДС на истите тие избори доживеа дебакл“, велат од ВМРО-ДПМНЕ
Лидерот на СДСМ, Венко Филипче, слави победа на политичка партија на избори во друга земја како да е негова лична победа, велат од ВМРО-ДПМНЕ. Во партиско соопштение посочуваат дека станува збор за сестринска партија на ВМРО-ДПМНЕ и потсетуваат на резултатите и гласовите на последните парламентарни избори во земјава кои ги освои опозицискиот СДСМ.
„На последните парламентарни избори во 2024 година, СДС освои 18 пратеници, што е најнизок резултат во историјата на партијата. На локалните избори минатата година, партијата се сведе на 130 илјади гласа. Ако трендот продолжи со ист интензитет, следните избори може да ја донесат бројката под 100 илјади. Катастрофата веќе се случува кај СДС. А Филипче слави. Лидерот на СДС одлучи да прослави победа на политичка партија на избори во друга земја како да е негова лична победа. Партијата што победи таму ѝ е сестринска на ВМРО-ДПМНЕ. Она што Филипче избра да не го спомене е дека сестринската партија на СДС на истите тие избори доживеа дебакл“,
велат од ВМРО-ДПМНЕ.
Во соопштението од ВМРО-ДПМНЕ се осврнуваат и на резултатите од локалните избори и рејтингот на СДСМ.
„Постои реален свет, и наспроти тоа постои Филипче како Алиса во земјата на чудата. Не е ова првпат да не се во контакт со реалноста, Филипче веќе имаше слична изведба по локалните избори во земјава минатата година, катастрофален пораз прикажан со речник на некој што штотуку победил. Оттука, јавноста има право да знае колку ќе трае епизодата на СДС и колку долго ќе ја одржуваат оваа конструкција комплетно спротивна на реалноста. До кога СДС ќе продолжи да се однесува како да не ја разбира сопствената политичка позиција и кога конечно планира да ја прифати реалноста дека е опозиција во Македонија? Наместо СДС да се насочат кон темите дома и да ги размислат причините за нивните резултати, тие слават туѓи изборни процеси кои немаат никаква врска со нив. Немаат намера да дадат одговори на клучни прашања, немаат намера за самокорекција, а очигледно немаат намера ни да се консолидираат“,
додаваат од ВМРО-ДПМНЕ.