Опозициската ВМРО-ДПМНЕ реагира на фејсбук-статусот на Зоран Заев во кој тој вели дека ДПМНЕ треба да престанат со собирите како предизборни активности бидејќи се опасни по здравјето на народот во време на епидемијата.
Од ВМРО-ДПМНЕ вела дека СДСМ како предводник во Владата не умеат да се справат со вирусот и со кризната ситуација.
„СДСМ и Зоран Заев се главните ширачи на ковид-19 во земјата. Веќе подолг период Република Македонија има трицифрена бројка на новозаразени, а неспосбната СДСМ не знае и не умее да се справи со оваа ситуација. Заев треба да биде загрижен и за организирањето на нивните митинзи. На еден таков јавноста сведочеше деновиве, а истиот беше организиран со затворениците во затворот во Идризово. Наместо Заев да шири приказни и да глуми загриженост нека даде одговори на јавноста“,
велат од ВМРО-ДПМНЕ во писмената реакција.
Според нив, претседателот на СДСМ, Заев треба да ѝ даде одговори на јавноста и за случајот „Рекет“ и тие го повикуваат да се произнесе за ова.
„Заев треба да одговори и како е дозволено и се случува адвокатот Димишков да кажува кој да се ослободи, а кој не, а притоа за тоа бара 6 милиони евра. Јавноста треба да знае и дали дел од тие пари завршија во џебот на Зоран и Вице Заеви“,
велат од ВМРО-ДПМНЕ.