Портпаролот на ВМРО-ДПМНЕ, Димче Арсовски, денеска на прес-конференција, рече дека од Комбинатот веќе набавил одредена механизација и оттаму објавиле дека дел од неа пристигнала, а сега во тек е јавна набавка преку која се бара услуга од приватни компании за исти такви машини
ВМРО-ДПМНЕ обвини дека РЕК Битола има паралелени јавни набавки за купување и изнајмување на иста механизација. Според нив се злоупотребуваат народни пари со тоа што прво се набавува механизацијата, а потоа исти такви машините се изнајмуваат од приватни фирми.
Портпаролот на ВМРО-ДПМНЕ, Димче Арсовски, денеска на прес-конференција, рече дека од Комбинатот веќе набавил одредена механизација и оттаму објавиле дека дел од неа пристигнала, а сега во тек е јавна набавка преку која се бара услуга од приватни компании за исти такви машини.
„Она што е најинтересно е дека конечно се обидоа да набават некоја смешна бројка на механизација оваа година со јавната набавка 10057/2020 за нова помошна механизација, каде од 20 можни договори се склучија 16. Останатите четири се поништија. Договорите со бр. 10057/2020 за набавката на нова опрема се склучија на 15 февруари 2021 година со рок на испорака од шест месеци за девет договори, девет месеци за четири договори и 12 месеци за три договори. Тие со рок за испорака од шест месеци веќе требаше до пред десеттина дена, најдоцна до 15 август 2021 година, да бидат испорачани и да работат во РЕК Битола. Но, АД ЕСМ објави дека пристигнал дел од опремата, како дампери, утоварувачи, камиони, грејдер и дигалка. Зошто сега во јавната набавка која е во тек под број 14174/2021 се бара услуга од приватни компании за овие машини како утоварувач, грејдер, автодигалка?“,
праша Арсовски на денешната прес-конференција.
Тој посочи дека три договори за јавна набавка за услуга под број 8809/2021 се веќе склучени на 10 август и тие се во вредност од 42 340 000 денари или 688 455 евра.
„Иако бараната цистерна и камиони требаше согласно договорите за набавка на новата опрема да бидат во РЕК Битола најдоцна до 15 август 2021 година. Наместо тоа, се склучуваат договори за позајмување и изнајмување. Овде во РЕК Битола, во оваа Влада сериозно ‘мириса’, да не речам народски кажано ‘смрди’ на сериозен криминал во милионски суми“,
рече Арсовски.
Според Арсовски, доколу РЕК Битола не го поништела огласот за набавка од 2016 година за механизација која било предвидено да ја исплати Комбинат уште во 2016 година ќе се заштеделе пари во вредност од 20 милиони евра.
„СДСМ го поништија тендерот кој го споменав и продолжија да ангажираат помошна механизација од приватни фирми. Зошто? Затоа што требаше да продолжат да работат нивни блиски луѓе со кои делат пари, а деталите понатака ги знаете преку случајот со рекет во РЕК Битола“,
рече Арсовски.