Портпаролот на ВМРО-ДПМНЕ, Димче Арсовски, вели дека воопшто не размислуваат за избори во периодот на здравствената криза.
„ВМРО-ДПМНЕ во ниту еден момент не размислува за избори во ваква една здравствена криза на пандемија, во време кога секојдневно броиме мртви од коронавирусот, односно во време кога Република Македонија има една од највисоките стапки на смртност. СДСМ по секоја цена сака да организира избори ете како што гледате се врши масовен поткуп од страна на нивните структури и блиски луѓе до семејството Заеви, со цел за да може да се лови во матно“,
вели Арсовски.
Ваквата негова изјава доаѓа откако генералниот секретар на СДСМ, Љупчо Николовски, изјави дека тоа што се намалува бројот на новозаболени го отвора и прашањето за враќање во нова нормалност, што во контекст на изборниот процес, иако не спомена конкретен датум, би значело и носење маски на денот на гласање и одбегнување на митинзи.