„Едно е јасно, ВМРО-ДПМНЕ не ја продолжува практиката на партиска контрола над безбедносните служби. Професионализмот и интегритетот ќе бидат водечки принципи“, велат од ВМРО-ДПМНЕ
СДСM е синоним за партизација на сѐ што е државно и на граѓаните, обвини денеска владејачката ВМРО-ДПМНЕ, од каде што додаваат дека додека СДСМ бил на власт, поставил партиски и некомпетентни кадри на клучни позиции во Агенцијата за национална безбедност (АНБ) и Агенцијата за разузнавање (АР).
Од партијата обвинуваат дека СДСМ во целост ги партизирал овие две агенции за време на своето владеење.
„Виктор Димовски, партиски функционер, СДС го постави на чело на АНБ. Димовски имаше активна улога во структурата на СДС и се поврзува со сериозни безбедносни и дипломатски скандали. Еролд Муслиу, кој раководеше со АР, активно следеше функционери на ВМРО-ДПМНЕ, злоупотребувајќи ја својата позиција. СДС изврши партизација и во УБК, кога го постави Миле Зечевиќ и по истиот пат по кој стана партиски функционер беше назначен за генерален секретар“,
велат до ВМРО-ДПМНЕ.
Додаваат дека за разлика од бесмислените партиски назначувања на СДСМ, ВМРО-ДПМНЕ става акцент на професионализмот.
„Изборот на Бојан Христовски за директор на АНБ е чекор кон враќање на интегритетот во безбедносните служби, и поставување на функционер кој ќе работи на заштита на државните интереси и независноста на службите. Едно е јасно, ВМРО-ДПМНЕ, НЕ ја продолжува практиката на партиска контрола над безбедносните служби. Професионализмот и интегритетот ќе бидат водечки принципи. Безбедносните служби мора да функционираат во интерес на народот, а не само како инструмент за партизација“,
велат од партијата.