ВМРО-ДПМНЕ до Арсовска: Одговорот на сите прашања е „не“, градоначалничката да каже дали бугарски автобуси ќе вршат јавен превоз како замена за тековниот

Денес требаше Арсовска да излезе и да понуди решение, но таа два дена смислувала што да излаже. На сите прашања што се однесуваат на ВМРО-ДПМНЕ одговорот е не, велат од опозицијата

Очаен човек прави очајни чекори, реагираат од опозициската ВМРО-ДПМНЕ по денешната реакција на градоначалничката на Град Скопје Данела Арсовска околу блокадите на главниот град. Во соопштението на Арсовска, таа упати низа прашања до ВМРО-ДПМНЕ, меѓу кои и тоа, дали Христијан Мицкоски имал тајна средба со премиерот Димитар Ковачевски.

Арсовска: „Слобода превоз“ и „Макекспрес“ нема да може да конкурираат на утрешниот јавен повик – Мицкоски да одговори дали тајно се среќава со Ковачевски

„Денес требаше Арсовска да излезе и да понуди решение, но таа два дена смислувала што да излаже. На сите прашања што се однесуваат на ВМРО-ДПМНЕ одговорот е НЕ. Е сега кога сме кај прашањата: Дали на средбата Арсовска Ковачевски е договорено провизија, наместо попуст? Зошто во договорот за нафта со Пуцко Петрол нема ниту еден процент попуст, а во сите претходни има. Од Костовски, преку Трајновски до Шилегов. И дали е точно дека бугарски автобуси треба да вршат јавен превоз како замена за тековниот“,

прашаа од ВМРО-ДПМНЕ.