Ова денеска го најави пратеничката од партијата, Рашела Мизрахи која кажа дека со тоа би се спречило идно формирање на, како што кажа, квази-културни клубови туку и ќе може да се реагира за веќе постојните клубови кои власта на СДСМ дозволила да се регистрираат и е нивен соучесник
Пратеничката група на ВМРО-ДПМНЕ денеска ќе поднесе закон за измена и дополнување на Законот за здруженија и фондации, со што ќе се спречи идно формирање но и реакција на веќе постоечките регистрирани здруженија во земјава.
Ова денеска го најави пратеничката од партијата, Рашела Мизрахи која кажа дека со тоа би се спречило идно формирање на, како што кажа, квази-културни клубови туку и ќе може да се реагира за веќе постојните клубови кои власта на СДСМ дозволила да се регистрираат и е нивен соучесник.
„Во последниве две години, на политичката сцена во Македонија и Бугарија, за жал се повидливи стануваат актерите кои се залагаат за ревидирање на историјата, историските факти што меѓу останатото резултира со обиди за искривување на вистината за холокаустот на Евреите од Македонија“,
рече Мизрахи коментирајќи ги отворањето на новиот бугарски клуб во земјава „Цар Борис Трети“.
По, Ванчо Михајлов и Цар Борис Трети, додава таа, неспорно е дека ќе продолжат обидите за ревидирање на историјата на Македонија и претставување на окупаторите како ослободители.
„Ова што се случува е силување на македонскиот народ, неговото антифашистичко минато преку наметнување на вредности на третиот рајх затскриени преку злоупотребата на европската ѕвезда. Ова не се европски вредности. Затоа, уште денес на овие процеси мора да се стави крај“,
додаде Мизрахи.
Министерството за правда денеска соопшти дека е формирана работна група за изготвување на нов закон за здруженија и фондации, со кој ќе се доуредат условите врз основа на кои ќе може да се регистрира здружение, а тој ќе биде објавен на ЕНЕР до крајот на овој месец.
Во Охрид денеска се отвора нов бугарски клуб кој го носи името на најконтроверзниот бугарски цар, Борис Трети, што предизвика бурни реакции во јавноста. Левица ќе организира протест кој доби поддршка и од најголемата опозициска партија ВМРО-ДПМНЕ. Првиот човек на партијата, Христијан Мицкоски, вчера повика на масовност, а Министерството за надворешни работи апелираше на мирен протест.