ВМРО-ДПМНЕ во соопштение до јавноста се осврнува на отворените прашања со Бугарија и обвинува дека повторно на пазар се ставаат македонската историја и јазикот.
„ВМРО-ДПМНЕ јавно прашува што договорил Зоран Заев и дали е точно дека ги прифатил сите барања од бугарската држава врзани со историјата и македонскиот јазик? Од владејачката партија има молк по ова прашање, а отвора простор за сомнеж дека повторно на пазар се поставени македонската историја и македонскиот јазик? Дали дел од пакетот на договор е фактот што Заев во честитката за Св. Кирил и Методиј ниту еднаш не го спомена зборот македонски јазик?“,
се вели во соопштението на ВМРО-ДПМНЕ.
Од ВМРО-ДПМНЕ обвинуваат и дека освен со Бугарија, проблеми се создаваат и со другите соседи.
„За само неколку месеци ретроградната политика на Заев создаде проблеми со сите соседи на Република Македонија. Освен проблемот со Бугарија и кочењето на евроатлантските интеграции, Заев преку Пендаровски директно се замеша во разговорите помеѓу Белград и Приштина, а последно е што се создаваат и проблеми со западниот сосед Заев со неговата неспособна надворешна политика создаде спорови со сите соседи на Македонија. Заев не е способен да испорача резултати на ниту едно поле. ВМРО-ДПМНЕ е различно од СДСМ. Со СДСМ и Заев, добивме хибриден режим неспособност, криминал и сиромаштија“,
се вели во соопштението на ВМРО-ДПМНЕ.