Овие две тела треба да изготват предлог до Владата која треба да ја донесе одлуката
Владата на вечерашната седница ја започна постапката за прогласување кризна состојба на целата територија државата, за ефикасно справување со последиците од ковид-кризата, што ја предложи Советот за безбедност.
За таа цел, донесено е решение за изменување на Решението за именување членови на Групата за процена, со кое за членови на оваа група се именувани Стојанче Ангелов, в.д. директор на Центарот за управување со кризи и Беким Максути, в.д. директор на Дирекцијата за заштита и спасување.
Ангелов е именуван и за член на Управувачкиот комитет за координација и управување во системот за управување со кризи.
Со овие решенија, како што соопшти прес- службата на Владата по вечерашната седница, се овозможува да започне постапката за прогласување кризна состојба на целата територија на државата според мислење на Групата за процена, по што ќе следува предлог на Управувачкиот комитет за координација и управување во системот за управување со кризи до Владата по што таа ќе ја донесе одлуката за прогласување на кризна состојба.