Посочи дека на состанокот ќе биде пренесено дека како ССМ едногласно донеле одлука дека доколку не се зголеми минималната плата и платите на сите работници и доколку за 12,6 отсто не се зголемат платите во јавниот сектор, ќе треба да живеат на минималец
Првиот човек на Сојузот на синдикати на Македонија (ССМ), Слободан Трендафилов, денеска соопшти дека добиле повик од Владата да присуствуваат на состанок во зградата на Илинденска.
Во изјава пред почетокот на состанокот пред Владата, Трендафилов рече дека нема информации за што ќе се зборува на средбата, но дека тие ќе ги прашаат владите претставници до кога работниците ќе чекаат зголемување на плати.
„Тука, пред Владата можеме да видиме дека и други колеги, од други синдикати ќе присуствуваат на состанокот“,
рече тој.
Посочи дека на состанокот ќе биде пренесено дека како ССМ едногласно донеле одлука дека доколку не се зголеми минималната плата и платите на сите работници и доколку за 12,6 отсто не се зголемат платите во јавниот сектор, ќе треба да живеат на минималец.
На последниот протестен марш, членовите на највисоките тела во ССМ пред Владата побараа повлекување на одлуката за зголемување на минималната плата за 1 800 денари и намалување на платите на избраните и именуваните лица на ниво на минимална плата.
Исто така, од ССМ побараа да запрат и нападите врз синдикатите.
Упатија предлог до премиерот Христијан Мицкоски заедно да ја земаат минималната плата од 500 евра, како и да се зголемат останатите плати за 100 евра.
Доколку не се зголеми минималната плата, раководството на ССМ најавува генерален штрајк, а доколку не се зголемат платите на работниците, најавуваат протест.