Во Скопје за само едно деноноќие се хоспитализирани нови 37 пациенти во ковид-центрите. Во моментов, болнички се лекуваат вкупно 750 ковид-пациенти, од кои 307 во Скопје и 443 пациенти во ковид-центрите низ внатрешноста на земјата.
По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 28 пациенти позитивни и сомнителни на ковид-19. Во болницата во Штип се хоспитализирани 38 пациенти. На инфективното одделение во Тетово има 16 пациенти, во Велес се лекуваат 25 болни, а во Куманово 73 пациенти позитивни и сомнителни на ковид-19. Во ковид-центарот во Охрид има хоспитализирано 56 пациенти, во Прилеп 72, во ковид-центарот во Гостивар 12, а во Струга 20 болни. Во болницата во Струмица хоспитализирани се 20 пациент, во Кочани 7 во Кичево 6, Кавадарци 48, во Гевгелија 9 лица, а во Дебар 13 позитивни и сомнителни на корона вирусот.
„Вкупната бројка на пациенти позитивни и сомнителни на коронавирусот кои се лекуваат на инфективните оддели во главниот град и во болниците низ земјава е 750 и има околу 360 празни болнички кревети во ковид-центрите. Во тек на денот се прават и исписи на оздравени пациенти со што ќе се ослободат дополнителни легла“,
информираат од Министерство за здравство.
Додаваат дека сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.