Во текот на последниве 24 часа, по однос на забраната за движење, евидентирано е дека на ниво на целата држава 31 лице не ја почитувале забраната за движење, при што се приведени 19 лица, а за другите се земени податоци за што ќе следуваат соодветни мерки.
Исто така, по однос на мерката за задолжително носење заштитна опрема, т.е. заштитни маски, евидентирани се 17 лица кои ја прекршиле оваа мерка, информира МВР.
На територијата на државата за изминативе 24 часа на 18 лица им се издадени решенија за изолација, а 66 лица потпишале изјави за самоизолација.
Од извршените контроли од страна на полициските службеници не се евидентирани лица кои не ја почитувале мерката за изолација и самоизолација.