Од меѓународните организации, најмногу набљудувачи има акредитирано ОДИХР – Канцеларија за демократски институции и човекови права – 500
Од странските новински куќи, изборите ќе ги следат телевизијата Клан од Косово со шест новинари, Топ ченл Албанија со еден, двајца од ТВ 1 Косово, Европската прес-агенција со еден, ТРТ има двајца, а исто толку акредитирани новинари има и РТ Косово
Вториот круг од локалните избори, во кои треба да се изберат градоначалници во 32 општини и Градот Скопје, ќе го следат вкупно 1 622 акредитирани набљудувачи, од кои 957 се домашни, а 621 меѓународни, соопшти Државната изборна комисија (ДИК).
За изборите ќе известуваат и 14 странски новинари.
Според податоците објавени на веб-страницата на ДИК, најмногу домашни набљудувачи, односно 685, има Здружението за развој на општествено-социјални иновации „Вајк ап“ Скопје.
Пред првиот круг на изборите за набљудување беа акредитирани и МКЦ – Битола со 23 набљудувачи, „ЛАГ агролидер“-Кривогаштани со петмина набљудувачи, „Интерактив“ Битола со осум, „Ромалитико“-Скопје – 10, Здружение за општествен развој „За Тетово“ – пет, Национален совет за родова рамноправност – 25, Здружение Планинарски спортски клуб „КАБ Струга”, Струга – 16, „Евротинк“ – Центар за европски стратегии – четворица, Здружение на граѓани ЦИВИЛ „Центар за слобода“ Скопје – 60, Здружение на граѓани за зајакнување на демократските вредности „Три си консалтинг“ Скопје – шест, Институтот за економски стратегии и меѓународни односи „Охрид“ – 27 набљудувачи, Национална мрежа „Жените за жените“ – 20, Национален Ромски Центар има еден набљудувач, Здружение за унапредување на демократијата „Демокраси лаб“ Тетово – четворица, Национален ромски центар, Куманово – двајца, Центар за стратегиски истражувања и анализи ЦСИА Битола – еден, Здружение за промоција и развој на инклузивно општество „Инклузива“ – 11, Институт за социјална промена ИНСОК – 10 и Здружението за права и хуманост „Интегра НАУ“ – 10.
Од меѓународните организации, најмногу набљудувачи има акредитирано ОДИХР – Канцеларија за демократски институции и човекови права – 500.
Амбасадата на Соединетите Американски Држави (САД) во земјава ќе ги следи изборите со 30 наљудувачи, Советот на Европа со 24, Европскиот парламент – 18, Амбасада на Велика Британија – 11, ДИК на Хрватска – двајца, Унгарската амбасада – осум, Центар за развој, реформи и обуки на изборни систем Грузија – двајца, Амбасада на Словачка еден, Централна изборна комисија на Украина – еден, Меѓународна Фондација за изборни системи Вашингтон, САД-подружница во РСМ – седум, Амбасада на Франција – девет, Амбасада на Кралството Холандија – десет, Институт за соработка и развој Франција – еден, Врховен изборен совет на Република Турција – двајца, Амбасадата на Швајцарија – тројца, ДИК Молдавија – двајца, Амбасада на Република Албанија – четворица, Амбасадата на Турција – еден, Амбасадата на Косово тројца, Центар за тренинг на Молдавија еден и Централна изборна комисија на Косово има 10 набљудувачи и Белградскиот форум за свет на рамноправните – еден.
Од странските новински куќи, изборите ќе ги следат телевизијата Клан од Косово со шест новинари, Топ ченл Албанија со еден, двајца од ТВ 1 Косово, Европската прес-агенција со еден, ТРТ има двајца, а исто толку акредитирани новинари има и РТ Косово.